7 აგვისტოს „ჩიხურა" „ნეფჩის" მატჩზე პროვოკაცია იგეგმება. ამის შესახებ „ჯი-ეიჩ-ენს" გარდაბნის მკვიდრმა განუცხადა. მისი თქმით, ბაქოში გამართული მატჩისა და იქ მომხდარი ინცინდენტის მესამე დღეს გარდაბანში ერთ-ერთმა არასამთავრობო ორგანიზაციამ მაღალი ხარისხით დამზადებული მაისურები დაარიგა, რომელზეც წერია: ბორჩალოელ თურქელთა კულტურის დღე
„ეს არის პროვოკაცია. პოლიციას აქ სძინავს. ღიად დაარიგეს ეს მაისურები. გამოდის რომ ამისთვის ემზადებოდნენ. მეც შევძელი ამ მაისურის მოპოვება და მაქვს ერთი ცალი. წარმოგიდგენიათ ახლა რა მოხდება? ვიღაცას აწყობს ეს ყველაფერი", - განუცხადა „ჯი-ეიჩ-ენს გარდაბნის მკვიდრმა.
სააგენტოს კითხვაზე, რატომ არ ასახელებს თავის ვინაობას, მან განაცხადა, რომ არ აქვს უსაფრთხოების გარანტია.
„ჯი-ეიჩ-ენი" გთავაზობთ საუბრის ტექსტს:
- რა გარანტიებზე უნდა ვისაუბრო, როდესაც, კიდევ ერთხელ ვამბობ, ღიად დაარიგეს ეს მაისურები. მართალია ყველასთვის არ მიუცით, მაგრამ ცხადია, რომ რაღაც ხდება და იგეგმება. რატომ არავის აინტერესებს - სად დაიბეჭდა, ვისი შეკვეთით?
- სად უნდა დაბეჭდილიყო?
- მაისურები სავარაუდოდ ქვეყნის ფარგლებს გარედან შემოვიდა. საიდან, ახლა ეს თავად არკვიონ.
- ანუ?
- მე ნუ დამაკონკრეტებინენებთ ყველაფერს. „ჩიხურა" ივანიშვლის გუნდია. ის რაც ბაქოში მოხდა, არამგონია, რამდენიმე ტვინგადაბრუნებული „ბალელშიკის" გაკეთებული იყოს. ისინი მხოლოდ ინსტრუმენტები არიან ვიღაცის ხელში. არ გამოვრიცხავ, რომ ეს ივანიშვილის დისკრედიტაციისთვის ხდებოდეს, თითქოს ის არის ალიევთან და, შესაბამისად, აზერბაიჯანთან ურთიერთობის გამწვავების მომხრე.
-გამორიცხავ რომ ასეც იყოს?
- კატეგორიულად გამოვრიცხავ. აქ ორი ვარიანტია, ან ამას აკეთებენ რუსეთის სპეცსამსახურები, ან ალიევის მოწინააღმდეგე მილიონერთა კლუბის წევრები.
- სააკაშვილმა თქვა, ივანიშვილი შეხვდა ანტიალიევური ეფ-ეს-ბე-ს ცენტრის ერთ-ერთი მთავარი ლიდერსო. გაქვს ამის შესახებ ინფორმაცია?
-გამორიცხული არაფერია, მაგრამ არ მგონია ასე იყოს.
- რატომ?
- იმიტომ, რომ სხვა რომ არაფერი, სააკაშვილს ამას არავინ ეტყოდა, არის სხვა ნიუანსებიც, რომლის გამხმაურებისგან ახლა თავს შევიკავებ. მაგრამ ცხადია, რომ ამჟამად რუსეთისა და ანტიალიევური აზერბაიჯანული დაჯგუფების ინტერესები ერთმანეთს ემთხვევა.
-მაისურები არის, მაგრამ ამას რა უნდა მოჰყვეს?
- რა და, ამ მაისურებს სხვა მაისურების, ან პერანგების ქვეშ ჩაიცვამენ და სტადიონზე ამას გამოაჩენენ. აღშფოთდება ქართველი გულშემატკივარი. სცემენ ისევ ვინმეს თუ უარესი რამ არ მოხდა. ამას რაც შეიძლება მოჰყვეს ეს მგონი უკვე ნათელია ყველასთვის.
- ამ ლოგიკით ძალიანაც რომ მოინდომოს პოლიციამ, მაინც შეიპარება ვინმე სტადიონზე და გამოდის რომ კონფლიქტი გარდაუვალია?
- არა გარდაუვალი არ არის. გამოსავალი ყოველთვის არსებობს, უბრალოდ ამაზე ფიქრი და მუშაობაა საჭირო, დრო კი ძალიან ცოტაა.
-რა გამოსავლზე საუბრობ?
- მე მზა რეცეპტს ვერავის შევთავაზებ, თუმცა ერთი-ორი ასეთი გამოსავალი მართლაც შემიძლია ვთქვა.
- დააკონკრეტე თუ შეიძლება.
- არა, თუ ძმა ხარ. შარში ნუ გამხვევ. მერე კიდევ რამე რომ მოხდეს სად მაქვს ამათი თავი.
-ანუ?
-ანუ, მე და ჩემმა მეგობრებმა ჩვენი მოქალაქეობრივი ვალი მოვიხადეთ და თქვენი მეშვეობით ვაფრთხილებთ ხელისუფლებას და საზოგადოებას. აგერ ფაქტსაც გაძლევთ და ახლა, სხვა დანარჩენი უკვე ხელისუფლების პრეროგატივაა. ერთს მაინც ვიტყვი, სასწრაფოდ, სამთავრობო დონეზე უნდა მოხდეს აზერბაიჯანული მხარის ინფორმირება. განცხადებები უნდა გააკეთონ შსს-მ და საგარეო უწყებამ.
-როგორია ამ საქმეში აზერბაიჯანული მხარის ინეტერსი?
-ალიევის ინტერესი ამაში გამორიცხულია. ეს არის ანტიალიევური დაჯგუფებისა და რუსეთის სეპცასმსახურების ინტერესები. მინდა გითხრა, რომ მარნეულში ამჟამდ კონცეტრირებულია თურქეთის, ირანის, რუსეთის, სომხეთის, აზერბაიჯანის და შენ წარმოიდგინე, ერაყის სპეცსამსახურების წარმომადგენლებიც კი. ამ დროს, საქართველოს სპეცსამსახურები მხოლოდ იმით არიან დაკავებულნი რომ ოპოზიციას ებრძოლონ; აკონტროლონ საკრებულოში ვინ რას იტყვის და გარეგნული სიმშვიდე შეინარჩუნონ. ვითარების ნებისმიერ ესკალაციის დროს ეს ყველა ძალა გაერთიანდება. როდესაც მეტ-ნაკლები სიმშვიდეა, ისინი ფულის მობილიზებას ახდენენ. აქ ხდება დაპირიპირება შიიტურ და სუნიტურ ძალებს შორისაც. ორივე დაჯგუფებას თავისი სკოლებიც კი აქვთ გახსნილი. დავიჯერო საქართველოს პოლიციისა და სპეცსამსახურების წარმომადგენლებმა არ იციან რას ნიშნავს თუნდაც, აი, ამ მანქანაზე (სახ. ნომერი - PFP 635) მიხატული ეს ორპირიანი ხმალი? რამდენი ასეთი მანქანა დადის მარნეულში? ესენი ფაქტობრივად, არიან იმ დაჯგუფების ლიდერები, რომლებიც ნებისმიერ დროს ვითარების ესკალაციაზე ფიქრობენ და მზად არიან, არც მეტი და არც ნაკლები, ხმლით გაუსწორდნენ - ვის, ეს ახლა თქვენ თავად იფიქრეთ.
- ამ მაისურს 26 ილისი აწერია, რატომ?
-ჩვენ როცა ვიკითხეთ რატომ ეწერა ეს თარიღი. მათ გვითხრეს, რომ 26 ივლისს ჰქონდათ ღონისძიება დაგეგმილი. 26 ივლისი ახსოვს ვინმეს რა დღეა? 1989 წლის 26 ილისს პირველად გაჟღერდა, რომ ბორჩალო აზერბაიჯანია. ამიტომ, წარწერას "26 ივლისი" სიმბოლური დატვირთვა ჰქონდა - "გაიხსენეთ ბორჩალო აზერბაიჯანია!". ეს ლოზუნგია, სლოგანია, "პატრიოტული" მოწოდებააა. წაიკითხეთ რა წერია _ "ბორჩალოელ თურქელთა კულტურის დღე". სხვა რომ არაფერი, რა შუაშია აქ თურქეთის დროშა?! ფაქტობრივად, ამით ქართველებს ეუბნებიან, რომ ბორჩალო არის Aაზერბაიჯანი! ხოლო, "ძალა ერთობაშია" შენიღბული, ვითომ უწყინარი პიარქმედებაა.
_ და რას მებუნებით ამის გამო, შესაძლოა, მართლაც მოხდეს პროვოკაცია?
- კიდევ ერთხელ გიმეორებთ, როგორ მოხდა - ბაქოში იდიოტმა ქართველმა ტარნსფარანტი გადმოფინა და ათიოდე წუთში, ასევე იდიოტმა აზერბაიჯანელმა საწინააღმდეგო შინაარსის ტრასნფარნტი გამოამზეურა, რომელზეც ეწერა - ბორჩალო აზერბაიჯანია. რა, სტადიონზე ჰქონდათ სტამბა? ხომ ცხადია, რომ ეს გაკეთებულია პროვოკაციის მიზნით.
- ასე რთულადაა საქმე? და სპესამსახურები?
- გითხარით კიდეც, ქართული სპესამსახურები რითი არიან დაკავებულნი. მათ შეარჩიეს დღევანდელი საკრებულოს შემადგენლობა, რომლის უმრავლესობა 90-იან წლებში სიგარეტის კონტრაბანდით იყო დაკავებული. მათ უკან არა ერთი ადამიანის გამტაცებელია. მკვლელებზე თუ არაფერს ვიტყვით. გადაამოწმა საერთოდ ხელისუფლებამ ამ ხალხის ვინაობა და საქმიანობა წარსულში სანამ სიებში ჩაწერდა.?
_ იქნებ თქვენ აფასებთ მძაფრად?
_ კიდევ ერთხელ ვიმეორებ - არაფერი მამოძრავებს. არც ერთი თანამდებობით არ ვარ დაინტერსებული. ვაფრთხილებ და მოვუწოდებ ხელისუფლებას - ყველაფერი გააკეთოს, რათა 7 აგვისტოს პროვოკაცია თავიდან აიცილოს.
"ჯი-ეიჩ-ენი", ესაუბრა გოჩა მირცხულავა