მცხეთაში, სამთავროს დედათა მონასტრის მიმდებარე ტერიტორიაზე ტურიზმის ეროვნული ადმინისტრაციის თანამშრომლებმა და მობილურმა გიდებმა დასუფთავების აქციაში მიიღეს მონაწილეობა. ტერიტორია თითქმის ერთი ტონა ნაგვისგან გაიწმინდა.
დასუფთავების აქცია ტურიზმის ეროვნული ადმინისტრაციის ორგანიზებით ყოველთვიურად იმართება. ღონისძიების მთავარი მიზანია ზაფხულის სეზონზე ტურისტულად მიმზიდველი ადგილების დასუფთავება და ტურისტული აქტივობების პოპულარიზაცია. აგვისტოს თვეში ღონისძიების მონაწილეები დაასუფთავებენ საქართველოს ტურისტულ ადგილებს. დასუფთავებაში მონაწილეობას მიიღებენ სკოლის მოსწავლეები, სტუდენტური თვითმართველობები და სხვა დაინტერესებული პირებიც, რომელთა თავმოყრა ადმინისტრაციის სოციალური გვერდის საშუალებით მოხდება.
