სახალხო დამცველი 25 ივლისს ხაიშის მოსახლეობას შეხვდა. საუბარი შეეხო ხუდონჰესის მშენებლობის საკითხს და იმ პრობლემებს რაც აწუხებს ხაიშის მოსახლეობას. სახალხო დამცველმა მოსახლეობას გააცნო ხუდონჰესის მშენებლობის კანონიერებასთან დაკავშირებული რეკომენდაცია რომელიც საქართველოს მთავრობას ამა წლის მაისში გაეგზავნა. საუბარი ასევე შეეხო სახალხო დამცველის 2013 წლის ანგარიშს და მასში ასახულ რეკომენდაციებს აღნიშნულ საკითხთან დაკავშირებით. მოსახლეობას ასევე დაურიგდა საკუთრების და ჯანსაღ გარემოში ცხოვრების უფლების შესახებ სპეციალური ბუკლეტები სადაც განმარტებულია ამ უფლებების რეალიზაციის კონკრეტული პროცედურები
26 ივლისს სახალხო დამცველმა შეხვედრა გამართა დაბა მესტიაში ადგილობრივ მოსახლეობასთან. მესტიის მოსახლეობამ გამოხატა საკუთარი პოზიცია გიგანტური ჰესების მშენებლობის წინააღმდეგ და სახალხო დამცველს საქართველოს ხელისუფლებასთან მედიატორობა სთხოვეს ხუდონჰესის საკითხთან დაკავშირებით.
შეხვედრაზე დაისვა სვანური ენის და კულტურის შენარჩუნების საკითხი, საკუთრების უფლების რეალიზაციასთან დაკავშირებული პრობლემები, ჯანდაცვის სისტემის ხარვეზები, განათლების სფეროში არსებული ინფრასტრუქტურული პრობლემები და სხვა. ასევე ისაუბრეს ე. წ. "მთის კანონის" მიღების აუცილებლობაზე, რომელიც მაღალმთიანი რეგიონების სოციალურ - ეკონომიკური პრობლემების მოგვარების და რეგიონის მოსახლეობუსგან დაცლის შეჩერებისკენ გადადგმული ნაბიჯი იქნება.
მასალის გამოყენების პირობები