საგარეო საქმეთა მინისტრის პირველმა მოადგილემ, დავით ზალკალიანმა საქართველოში ნიდერლანდების სამეფოს საელჩოში გახსნილ სამძიმრის წიგნში ჩანაწერი გააკეთა. მან საგარეო საქმეთა სამინისტროსა და მინისტრის სახელით კიდევ ერთხელ გამოხატა მწუხარება მალაიზიის ავიახაზების თვითმფრინავზე მომხდარი ტრაგედიის გამო. ასევე ნიდერლანდების სამეფოს საგარეო საქმეთა მინისტრს სამძიმრის წერილი გაუგზავნა საქართველოს საგარეო საქმეთა მინისტრმა, მაია ფანჯიკიძემ.
„უაღრესად დამამწუხრა და შემზარა თვითმფრინავის კატასტროფამ, რომელსაც ჰოლანდიელი მოქალაქეები გადაჰყავდა.ეს უდიდესი ტრაგედიაა არა მხოლოდ დაღუპული ადამიანების ახლობლებისთვის, არამედ მთელი ჰოლანდიისთვის.განსაცდელის ამ მძიმე წუთებში, მინდა სიმტკიცე და გამძლეობა ვუსურვო დაღუპულთა ოჯახის წევრებსა და ახლობლებს, პირადად თქვენ, და მთელ ჰოლადნიელ ხალხს.კიდევ ერთხელ გისამძიმრებთ და გამოვხატავ თქვენდამი ღრმა პატივისცემას"- ნათქვამია მაია ფანჯიკიძის წერილში.