კონფლიქტებისა და მოლაპარაკებების საერთაშორისო კვლევითი ცენტრი მოძრაობა „დაბრუნება"-ს მიერ საინფორმაციო პორტალ "ნიუს ჯე" -ზე ა.წ. 21 ივლისს გამოქვეყნებული წერილის პასუხად აცხადებს, რომ ცენტრი ვერ ხედავს მსგავსი ფორმატით კომუნიკაციის გაგრძელების საჭიროებას.
"მოძრაობა „დაბრუნება"-ს მიერ საზოგადოებისთვის მიწოდებული პროგრამული ინფორმაცია სიახლეს არ წარმოადგენს, იგივე ინფორმაციის მიღება მკითხველს შეუძლია ორგანიზაციის ვებგვერდზე. შესაბამისად, მიგვაჩნია, რომ მოძრაობა „დაბრუნებამ" მისთვის არსებული ეჭვების საზოგადოებისთვის თავს მოხვევის ნაცვლად, უნდა მიმართოს შესაბამის ორგანოებს ოფიციალურად, რის შემდგომაც აღნიშნული სამსახურების მიერ მოხდება შესაბამისი რეაგირება, და, დარწმუნებულნი ვართ, ნათელი მოეფინება მოძრაობა „დაბრუნება"-ს მიერ გამოთქმული ეჭვების საფუძვლიანობას.მანამდე კი, ცენტრი წყვეტს მოძრაობა „დაბრუნება"-ს განცხადებებზე ყოველგვარ გამოხმაურებას, რათა მკითხველი მოარიდოს უსაგნო საუბრებს", - ნათქვამია განცხადებაში.
