გერმანიის დასაქმების ფედერალური სააგენტოს მხარდაჭერით ხორციელდება პროექტი ექთნებისათვის - დროებითი დასაქმება და გადამზადება გერმანიაში. პროექტი მიზნად ისახავს კონკურსის საფუძველზე 20 კანდიდატის შერჩევას საქართველოს მასშტაბით, რომლებიც დასაქმდებიან გერმანიაში ექთნის სპეციალობით და მიეცემათ შესაძლებლობა მოიპოვონ კვალიფიკაციის ოფიციალური აღიარება.
საქართველოში შერჩეული 20 კანდიდატი გაივლის ტრენინგებს გერმანიის თანამედროვე ტექნოლოგიებითა და მეთოდებით აღჭურვილ საავადმყოფოებსა და სამედიცინო დაწესებულებებში, რაც მათ გერმანიის სახელმწიფო გამოცდის ჩაბარებისა და კვალიფიკაციის ოფიციალური აღიარების შესაძლებლობას მისცემს.
აგრეთვე აღსანიშნავია, რომ „სამედიცინო კორპორაცია ევექსი" და გერმანიის დასაქმების ფედერალურ სააგენტო პროექტის ფარგლებში შეთანხმდნენ კანდიდატების რეინტეგრაციაზე საქართველოში დაბრუნების შემდეგ. კანდიდატები პროექტის დასრულების შემდეგ დასაქმდებიან „სამედიცინო კორპორაცია ევექსის" სამედიცინო ცენტრებში.
„სამედიცინო კორპორაცია ევექსი" ყველაზე მსხვილი ჰოსპიტალური ქსელია საქართველოში, სადაც 7 000 - მდე თანამშრომელია დასაქმებული და ერთ ერთ მნიშვნელოვან ნაწილს წარმოადგენს უწყვეტი სამედიცინო განათლება . დღეისათვის კორპორაცია მართავს 36 კლინიკას ქვეყნის 6 რეგიონში: იმერეთი, აჭარა, სამეგრელო, კახეთი, სამცხე-ჯავახეთი და შიდა ქართლი. კორპორაციის ჯამური საწოლფონდი 1,892-ს შეადგენს.
პროექტის ფარგლებში დაგეგმილი ექთნების შერჩევა საერთაშორისო მიგრაციისა და განვითარების ცენტრის (CIM) მიერ ხორციელდება, რომელიც ერთობლივად იმართება გერმანიის საერთაშორისო თანამშრომლობის საზოგადოებისა (GIZ) და გერმანიის ფედერალური დასაქმების სააგენტოს მიერ.
