ფილოლოგიის დოქტორი, საბა მეტრეველი მთავრობის საკადრო ცვლილებას ეხმიანება და პრემიერ-მინისტრს ღია წერილით მიმართავს, რომელსაც გთავაზობთ უცვლელად:
"სამთავრობო ცვლილებებმა დიდი მითქმა-მოთქმა გამოიწვია. ზოგი დაგვიანებულად, ზოგიც - დროულად აფასებს ამ პოლიტიკურ გადაწყვეტილებას. ისე, რა არ ხდება! ადამიანი ყველაფრისთვის მზად უნდა იყოს, თორემ რამდენი დაწყობილი და აწყობილი გეგმა ჩეშალათ მაღალჩინისნებს... ეჰ, ასევე, რამდენი აუხდენელი პირადი ქართული ოცნება გაჰყვა, ალბათ, გადაყენებულ მინისტრებს...
და მაინც, ამ ჩამონათვალს აკლია ყველაზე მთავარი ფიგურა, მინისტრი, რომელიც თავს ვერ ართმევს სამინისტროს წინაშე დასმულ გამოწვევებს, - ეს განათლებისა და მეცნიერების მინისტრია.
თითქმის ორი წელი გავიდა, რაც ქართული ოცნება მოვიდა ხელისუფლებაში და დღემდე ვერ გადაჭრა ქართული მეცნიერების ბედი. წლის დასაწყისში ფინანსთა მინისიტრის განცხადება, რომ უპრეცედენტოდ გაიზრდებოდა მეცნიერების დაფინანსება, ტყული აღმოჩნდა. გამოყოფილი მილიონები სხვა ტიპის კვლევებს მოხმარდა და არა სამცნიერო-კვლევით ინსტიტუტებს. ქართველი მეცნიერი თვეში ისევ 200-ლარიანი დაფინასებით აგრძელებს ცხოვრებას!!!
ახლანდელმა მინისტრმა არაერთგზის თქვა, რომ სამინისტრო მუშაობას დაამთავრებდა მეცნიერების მიმართულებით და რეალურად გადაჭრიდა პრობლემას, მაგრამ დღემდე არაფერი შეცვლილა, - ესაა ეფექტური მუშაობა? ესაა მენეჯმენტი და მართვა? საით მივდივართ. კიდევ როდემდე უნდა იცადოს ქართულმა მეცნიერებამ, რაღას უნდა ელოდოს, რომელი მინისტრისა თუ მთავრობის იმედად იყოს?!
თუ ვინმე უნდა შეგეცვალათ, ბატონო პრემიერო, უპირველესად, - თ. სანიკიძე, რადგანაც არაეფექტური, არაკონსტრუქციული და არასაიმედოა მისდამი დაქვემდებარებული სამინისტროს მუშაობა.
თუ თქვენ ფიქრობთ ქვეყნის მომავალზე, გაწუხებთ განათლებისა და მეცნიერების ბედი ქვეყანაში, ერთხელ და სამუდამოდ გადაწყვიტეთ და ამ ქვეყანას აღირსეთ შესაბამისი კომპეტენციის განათლების მინისტრი!!!", - ნათქვამია მიმართვაში.
