დღეს, 21 ივლისს, დღის მეორე ნახევრიდან ერთიანი ეროვნული გამოცდების შედეგების გამოცხადება იწყება.როგორც გამოცდების ეროვნული ცენტრის დირექტორი მაია მიმინოშვილი აცხადებს ერთიანი ეროვნული გამოცდების შედეგები უნარ-ჩვევებში გამოცხადდება. შედეგები ცენტრის ოფიციალურ ვებგვერდზე ხვალ, დღის მეორე ნახევრიდან, ეტაპობრივად განთავსდება.
მიმინოშვილი წლევანდელ ეროვნულ გამოცდებს პოზიტიურად აფასებს და აცხადებს, რომ აბიტურიენტებმა ყველაზე კარგი შედეგი ქართულ ენასა და ლიტერატურაში, ასევე უცხო ენის გამოცდაში აჩვენეს.
ერთიანი ეროვნული გამოცდები 26 ივნისს დაიწყო და 16 ივლისს დასრულდა. ერთიანი ეროვნული გამოცდებისთვის წელს რეგისტრაცია 36 000-ზე მეტმა აბიტურიენტმა გაიარა.
გამოცდებისთვის დარეგისტრირდა 20 000-მდე პედაგოგი და მასწავლებლობის მსურველი, 12 000-მდე მაგისტრობის კანდიდატი და გრანტის გაუმჯობესების მსურველი 5 000-მდე სტუდენტი.