19 ივლისს, 11:30 საათზე, ტურიზმის ეროვნული ადმინისტრაცია ექსტრემალური სპორტის მოყვარულებსა და ნებისმიერ მსურველს მცხეთაში ჯომარდობაზე ეპატიჟება.
ჯომარდობის გარდა მთელი დღის განმავლობაში სხვადასხვა სახის სათავგადასავლო აქტივობები და სპორტული ღონისძიებები გაიმართება: დართსი, ფრიზბი, ტრეისერელების შოუ, ველო წარმოდგენა, ბადმინტონი და ფრენბურთი. ღონისძიებას ელექტრონული მუსიკით დიჯეი რემბო გააფორმებს.
მდ. მტკვრის მიმდებარე ტერიტორიაზე სპეციალური საბანაკე სივრცე მოეწყობა. შეჯიბრებებში მონაწილეობის მსურველებს ინსტრუქტორები სპეციალურ მასტერკლასებს ჩაუტარებენ, ასევე უსაფრთხოების დაცვისა და თამაშის წესებს აუხსნიან.
ჯომარდობაში მონაწილეები 4 ნავით, მდინარე მტკვარზე, 200 მეტრიან მონაკვეთზე ერთმანეთს შეეჯიბრებიან. მოეწყობა სტარტისა და ფინიშის ხაზები. გამარჯვებული გამოვლინდება საუკეთესო დროის მაჩვენებლის მიხედვით.
ღონისძიებაზე დასწრება და შეჯიბრებებში მონაწილეობის მიღება უფასოა.
შეკრების ადგილი მცხეთა, სამთავროს დედათა მონასტერთან, 11:30 საათი.