მომდევნო დღეებში აღმოსავლეთ საქართველოს ზოგიერთ რაიონში ჰაერის ტემპერატურა 38 გრადუსს მიაღწევს, ხოლო დასავლეთ საქართველოში კვირის ბოლომდე ტემპერატურა შედარებით დაიკლებს და ჰაერი 28-30 გრადუსამდე გათბება. როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა დოდო გვაზავამ განაცხადა საქართველოში ანომალიური სიცხეები მოსალოდნელი არ არის.
,,კვირის ბოლომდე დასავლეთ საქართველოში ტემპერატურა რამდენიმე გრადუსით დაიკლებს და ჰაერი 28-30 გრადუსამდე გათბება. რაც შეეხება აღმოსავლეთ საქართველოს მომდევნო ორი დღის განმავლობაში ტემპერატურა შედარებით მოიმატებს და ზოგიერთ რაიონში ჰაერი 38 გრადუსამდე გათბება. კერძოდ ტემპერატურის მომატებას 38 გრადუსამდე ველოდებით კახეთის რეგიონში, განსაკუთრებით კი სამხრეთ რაიონებში", _განაცხადა ,,ჯი-ეიჩ-ენთან" საუბარში დოდო გვზავამ.
მისივე განცხადებით, თბილისში კვირის ბოლომდე ტემპერატურა 36 გრადუსამდე შენარჩუნდება.