2014 წლის ერთიანი ეროვნული გამოცდები დასრულდა. როგორც გამოცდებისა და შეფასების ეროვნული ცენტრის დერექტორმა მაია მიმინოშვილმა განაცხადა ეროვნული გამოცდების საბოლოო შედეგები აგვისტოს ბოლოს გამოქვეყნდება, თუმცა 20 ივლისიდან აბიტურიენტებს პირველადი შედეგებს გაგება უკვე შეეძლებათ.

,, დასრულდა ერთიანი ეროვნული გამოცდების ერთი მნიშვნელოვანი ეტაპი. ამ შემთხვევაში ვგულისხმობ საგამოცდო პროცესს, რომელიც ფიზიკისა და ხელოვნების გამოცდით დავასრულეთ. მოგეხსენებათ პროცესში მონაწილეობას იღებდნენ პედაგოგები, ასევე მაგისტრობის მსურველები და სტუდენტებიც. პროცესში 36 000-მდე აბიტურიენტი, 20 000-მდე პედაგოგი, 12 000-მდე მაგისტორბის მსურველი და 5000-მდე სტუდენტი გრანტის გაუმჯობესების მიზნით იღებდა მონაწილეობას. წინ გველის მნიშვნელოვანი პროცესი, ვგულისხმობ გასწორებას და შედეგების გამოცხადებას", _განაცხადა მიმინოშვილმა.

შეგახსენებთ, რომ ერთიანი ეროვნული გამოცდები 26 ივნისს დაიწყო. 2014 წლის ერთიან ეროვნულ გამოცდებზე რამდენიმე მნიშვნელოვანი სიახლე იყო, კერძოდ, უცხოური ენის გამოცდაში ტესტს დაემატა მოსმენის დავალება. ასევე წელს არჩევით საგნებს დაემატა სახვითი და გამოყენებითი ხელოვნება.ამასთან წელს უნარ-ჩვევების გამოცდის მინიმალური კომპეტენციის ზღვარი 21-დან 24 ქულამდე გაიზარდა.