ჯანდაცვის მინისტრის დავით სერგეენკოს განცხადებით, უახლოეს პერიოდში სასწრაფო სამედიცინო დახმარების მუშაობის პრინციპი შეიცვლება.
,,სასწრაფო სამედიცინო სამსახურის ეფექტურ მუშაობას ხელს უშლიდა ორი ტიპის მიზეზი. ერთი ეს იყო ტექნიკური_ საავტომობილო პარკის, ეს პრობლემა გვარდება, კონტრაქტი გაფორმებულია და წლის ბოლომდე მთელი საქართველოს მასშტაბით ავტოპარკი განახლდება. ხოლო მეორე მიზეზი ეს იყო რეგულაცია_პრეჰოსპიტალურ ეტაპზე გადაწყვეტილების მიღების პრინციპები და მეთოდები. ეს მეთოდოლოგიაც დავამუშავეთ და ვფიქრობთ მალე შემოვიტანთ. ეს გამოიხატება იმაში, რომ იქნება გეოგრაფიული წვდომადობაზე და არა ადმინისტრაციულზე და იქნება პაციენტის რეალურ მდგომარეობაზე", _განაცხადა სერგეენკომ.
