16 ივლისს, 10.00 სთ-ზე, სასტუმროში „Holiday Inn" გაიმართება საქართველოს სივრცითი მოწყობისა და მშენებლობის კოდექსის მეორე საჯარო განხილვა. ღონისძიებას გახსნის ეკონომიკისა და მდგრადი განვითარების მინისტრის მოადგილე მიხეილ ჯანელიძე.
სამშენებლო კოდექსი მოიცავს საქართველოში სივრცითი მოწყობისა და ქალაქთმშენებლობითი დაგეგმვის სისტემას, სივრცითი მოწყობისა და ქალაქთმშენებლობითი გეგმების იერარქიასა და შემადგენლობას, მათი შემუშავებისა და დამტკიცების პროცედურას, აგრეთვე მიწის ნაკვეთის სამშენებლოდ გამოყენების, შენობა-ნაგებობისა და სამშენებლო მასალის ხარისხის მიმართ ძირითად მოთხოვნებს; მშენებლობის ნებართვის გაცემის, მშენებლობაზე ზედამხედველობის და შენობა-ნაგებობის ექსპლუატაციაში მიღების წესს. პროექტი შემუშავდა საერთაშორისო და ადგილობრივი ექსპერტების ჩართულობით და გერმანული ტექნიკური დახმარების სააგენტოს GIZ-ის მხარდაჭერით.
