უძრავი ნივთი არის მიწის ნაკვეთი მასზე არსებული შენობა-ნაგებობით ან მის გარეშე, ასევე შენობა-ნაგებობა (მშენებარე, აშენებული ან დანგრეული) ან შენობა-ნაგებობის ერთეული (მშენებარე, აშენებული ან დანგრეული) და ხაზობრივი ნაგებობა.

მესაკუთრე უფლებამოსილია მის საკუთრებაში არსებული უძრავი ნივთი დაყოს ორ ან მეტ ნაწილად და საკუთრებაში ერთი მთლიანი უძრავი ნივთის სანაცვლოდ, იქონიოს დაყოფის შედეგად წარმოშობილი ორი ან მეტი უძრავი ნივთი.

იმ შემთხვევაში, როდესაც არსებობს მესაკუთრის სურვილი მიწის ნაკვეთის ნაწილი განიკარგოს/გასხვისდეს როგორც დამოუკიდებელი უფლების საგანი, აუცილებელია განკარგვამდე/გასხვისებამდე ამ მიწის ნაკვეთის დაყოფა და განსაკარგავ/გასასხვისებელ ნაწილზე მესაკუთრის (გამსხვისებლის) საკუთრების უფლების რეგისტრაცია.

უძრავი ნივთის დაყოფისასუძრავ ნივთზე ან მის ნაწილზე დაყოფამდე რეგისტრირებული ნებისმიერი უფლება ან ვალდებულება უცვლელად გადადის დაყოფისშედეგად წარმოშობილ შესაბამის უძრავ ნივთზეან მათ ნაწილზე (ნაწილებზე) თუ შესაბამისი სარეგისტრაციო დოკუმენტაციის შინაარსიდან სხვა რამ არ გამომდინარეობს.

უძრავი ნივთის დაყოფისას აუცილებელია დამზადდეს დაყოფის შედეგად წარმოშობილი უძრავი ნივთების საკადასტრო აზომვითი ან/და შიდა აზომვითი ნახაზები.

საკადასტრო აზომვითი ნახაზი მზადდება იმ შემთხვევაში, თუ ხდება მიწის ნაკვეთის(მასზე არსებული შენობა-ნაგებობით ან მის გარეშე) დაყოფა. საკადსტრო აზომვითი ნახაზი წარმოდგენილ უნდა იქნეს როგორც ქაღალდის, ასევე ციფრული ვერსიის სახით, შესრულებული სახელმწიფო გეოდეზიურ კოორდინატთა სისტემაში, კერძოდ, WGS 84 კოორდინატთა სისტემასა და UTM პროექციაში. მიწის ნაკვეთის საკადასტრო აზომვითი ნახაზის ციფრული ვერსია წარმოდგენილ უნდა იქნეს (shp) ფაილის სახით.

შიდა აზომვითი ნახაზი მზადდება იმ შემთხვევაში, თუ ხდება შენობა-ნაგებობის ან მისი ერთეულის დაყოფა. შიდა აზომვითი ნახაზი წარმოდგენილ უნდა იქნეს ქაღალდის ვერსიის სახით.

რეგისტრაციის წესი და პირობები

უძრავი ნივთის დაყოფის საფუძველზე საკუთრების უფლებისწარმოშობისრეგისტრაციისათვის, დაინტერესებულმაპირმაუნდამიმართოსსაჯარორეესტრისეროვნულისააგენტოსტერიტორიულ სამსახურს,იუსტიციისსახლს, ნოტარიუსსანსხვაავტორიზებულპირს.

სარეგისტრაციოდწარსადგენიდოკუმენტები:

1) განცხადება (აღნიშნული ივსება შესაბამის ელექტრონულ პროგრამაში უშუალოდ დოკუმენტების მიმღები ოპერატორის მიერ);

2) დაინტერესებული პირის პირადობის დამადასტურებელი დოკუმენტის ასლი;

3) უძრავი ნივთის დაყოფის თაობაზე მესაკუთრის ნების გამოვლების დამადასტურებელი დოკუმენტი (განცხადება, თანხმობა და ა.შ.);

აღნიშნული დოკუმენტი მოწმდება ან სანოტარო წესით ან საჯარო რეესტრის/იუსტიციის სახლის უფლებამოსილი პირის მიერ

4) უძრავი ნივთის საკადასტრო აზომვითი ან/და შიდა აზომვითი ნახაზი;

5) მომსახურების საფასურის გადახდის დამადასტურებელი დოკუმენტი - 50 ლარი (4 სამუშაო დღის ვადაში)

შესაძლებელია ასევე დაჩქარებული მომსახურების განხორციელებაც. ამ შემთხვევაში მომსახურების საფასურის და ვადები შემდეგნაირია:

განცხადების შეტანის დღეს - 200 ლარი

ერთ სამუშაო დღეში - 150 ლარი

სარეგისტრაციო ვადის ათვლა იწყება განცხადების შეტანის/რეგისტრაციის მომდევნო დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეებს, ვადის ბოლო დღეს წარმოადგენს მომდევნო სამუშაო დღე.

დამატებითი ინფორმაცია

· თუ დაინტერესებულ პირს რეგისტრაციის განხორციელება სურს არა პირადად, არამედ წარმომადგენლის მეშვეობით, ასეთ შემთხვევაში დამატებით უნდა იქნეს წარმოდგენილი სათანადო წესით დამოწმებული წარმომადგენლობის დამადასტურებელი დოკუმენტი და წარმომადგენლის პირადობის დამადასტურებელი დოკუმენტის ასლი.

· ზემოჩამოთვლილი დოკუმენტების გარდა, საჯარო რეესტრის ეროვნული სააგენტოს მხრიდან კონკრეტულ შემთხვევაში შესაძლებელია დამატებით მოთხოვნილ იქნეს ნებისმიერი დოკუმენტი/ინფორმაცია, რაც აუცილებელია საკუთრების უფლების რეგისტრაციისათვის.

· მომსახურების საფასური გადაიხდება ერთეული ნივთის მიხედვით. ანუ უძრავი ნივთის დაყოფის შედეგად წარმოშობილ თითოეულ უძრავ ნივთზე საკუთრების უფლების რეგისტრაციისათვის ცალ-ცალკე.

· იმ შემთხვევაში, თუ უძრავი ნივთის მესაკუთრე არის სახელმწიფო, თვითმმართველი ერთეული ან საქართველოს ეროვნული ბანკი, უძრავი ნივთის დაყოფის საფუძველზე საკუთრების უფლების რეგისტრაცია ხორციელდება მომსახურების საფასურის გადახდის გარეშე.