2014 წლის 14 ივლისს, საგარეო საქმეთა მინისტრის პირველმა მოადგილემ, დავით ზალკალიანმა შეხვედრა გამართა აშშ-ის სახელმწიფო დეპარტამენტის კავკასიის განყოფილების დირექტორთან, ჯონ მარკ პომერშეიმთან.
შეხვედრაზე მხარეებმა განიხილეს საქართველო-აშშ-ის ორმხრივი ურთიერთობების დინამიკა, მათ შორის თავდაცვისა და უსაფრთხოების სფეროში თანამშრომლობის გაღრმავების საკითხები. საუბარი ასევე შეეხო საქართველოს ევროატლანტიკურ სივრცეში ინტეგრაციის თემას და ზოგადად, მრავალმხრივ ფორმატებში ორი ქვეყნისთვის არსებულ პრიორიტეტულ საკითხებს.
