თბილისის ყოფილი მერის გიგი უგულავას განცხადებით, პოლიტიკურ ოპონენტებზე განხორციელებული ზეწოლის შემდეგ ხელისუფლებას ზეწოლას სასამართლოზე და მედიაზე განახორციელებს, განსაკუთრებით კი ,,რუსთავი-2"-ზე. როგორც საქალაქო სასამართლოში უგულავამ განაცხადა ხელისუფლების მიზანი მისი ოჯახის წევრების საკუთარი სახლებიდან გამოსახლებაა.
,,ახლა სადამსჯელო ღონისძიების მეორე ეტაპი არის ის რომ ჩემი ოჯახის წევრები საკუთარი ბინიდან გამოაძევონ. ეს არის ბიძინა ივანიშვილის რეალური სახე, რომელიც არჩევნების შემდეგ გახდა ერთპიროვნული მმართველი", - განაცხადა გიგი უგულავამ.
შეგახსენებთ, რომ საქალაქო სასამართლო თბილისის ყოფილი მერის გიგი უგულავასთავის აღმკვეთი ღონისძიების შეცვლის თაობაზე მსჯელობს.
პროკურატურა უგულავასთავის თბილისის განვითარების ფონდთან დაკავშირებით გირაოს პატიმრობით შეცვლას ითხოვს. აღნიშნული შუამდგომლობა საგამოძიებო უწყებამ სასამართლოზე 10 ივლისს დააყენა.
