ეროვნული უშიშროების საბჭოს მდივანი ირინე იმერლიშვილი პარიზში 14 ივლისს ბასტილიის აღების დღეს, პირველი მსოფლიო ომის ხსოვნისადმი მიძღვილ აღლუმსა და ღონისძიებებს დაესწრო. როგორც ,,ჯი-ეიჩ-ენს" უშიშროების საბჭოდან აცნობეს უშუშროების საბჭოს მდივანი საფრანგეთში საქართველოს პრეზიდენტის პირადი წარმომადგელის სტატუსით იმყოფება.
წარმომადგენლის გაგზავნის თაობაზე ქვეყნის პირველ პირს ფრანგმა კოლეგამ მიმართა. პარიზში გამართულ საზეიმო ღონისძიებაში მონაწილეობა ქართველმა ახალგაზრდებმაც მიიღეს; რომლებმაც აღლუმის დასასრულს ანიმაციურ სცენით წარსდგნენ და სხვადასხვა ქვეყნის ათობით წარმომადგენელთან ერთად მშვიდობის სიმბოლოდ მტრედები გაუშვეს.
ელისეის მინდვრებზე 80-მდე ქვეყნის საპატიო ყარაულმა საკუთარი ქვეყნების ეროვნული დროშებით ჩაიარეს. აღლუმს ასევე ესწრებოდნენ საქართველოს ელჩი საფრანგეთში ეკატერინე სირაძე, დესპანი და სამხედრო ატაშე. სამხედრო აღლუმზე საჰაერო და სახმელეთო ტექნიკის პრეზენტაცია შედგა, აღლუმი საფრანგეთის პრეზიდენტმა მიიღო, რის შემდეგაც საფრანგეთის თავდაცვის მინისტრის სახელით, დელეგაციების ხელმძღვანელებისთვის ოფიციალური სადილი გაიმართა, რომელსაც
ეროვნული უშიშროების საბჭოს მდივანი ირინე იმერლიშვილიც დაესწრო.
საქართველოს პრეზიდენტმა საფრანგეთის ხელისუფლებასა და ფრანგ ხალხს ეს დღე მიულოცა და ფრანსუა ოლანდს მისალოცი წერილი გაუგზავნა.
აღლუმს 80-მდე ქვეყნის წარმომადგენელი დაესწრო.
