2014 წლის 14 ივლისს ლატვიის რესპუბლიკის პარლამენტმა (სეიმმა) საგანგებო სესიაზე საქართველოსა და ევროკავშირს შორის ასოცირების შეთანხმების რატიფიცირება მოახდინა. ლატვიის პარლამენტში შეთანხმების რატიფიცირება 81 ხმით არცერთის წინააღმდეგ განხორციელდა. აღსანიშნავია, რომ ამ დროისთვის ლატვია გახლავთ ევროკავშირის მესამე ქვეყანა, რომელმაც პარლამენტის საგანგებო სესიაზე განახორციელა შეთანხმების რატიფიცირება. ლატვიის საეიმმა დღესვე რატიფიკაცია გაუკეთა ასოცირების შეთანხმებებს ევროკავშირსა და უკრაინას და ევროკავშირსა და მოლდოვას შორის.