თბილისის საკრებულოს ისტორიულ შენობაში ახლად არჩეული საკრებულოს პირველი სხდომა მიმდინარეობს. სხდომაზე იმყოფება ცესკო-ს თავმჯდომარე თამარ ჟვანია, რომელმაც ცესკოს საბოლოო ოქმი წარადგინა.
დეპუტატებმა საკრებულოს თავმჯდომარე და პირველი მოადგილე უნდა აირჩიონ.
ამასთან საკრებულოს წევრებს შეუძლიათ, საკრებულოს თავმჯდომარის კიდევ ორი მოადგილე და კომისიების თავმჯდომარეები შემდეგ სხდომაზეც აირჩიონ.
არსებული ინფორმაციით, საკრებულოს თავმჯდომარის თანამდებობაზე ,,ქართული ოცნების" წარმომადგენელი გიორგი ალიბეგაშვილი განიხილება.
