,,მინდა ყველას მადლობა გადავუხადო, ვინც მივიდა არჩევნებზე და მოქალაქეობრივი ვალი მოიხადა", _განაცხადა პრემიერ-მინისტრმა ირაკლი ღარიბაშვილმა ,,ქართული ოცნების" ოფისში გამრთულ პრესკონფერენციაზე.
პრემიერმა განსაკუთრებული მადლობა ცესკო-ს გადაუხადა, რომელმაც ღარიბაშვილის განმარტებით, 24-საათიან რეჟიმში იმუშავა არჩევნების მეორე ტურის წარმატებულად ჩასატარებლად.
,,მე მინდა განსაკუთრებული მადლობა გადავუხადო ცესკო-ს, მის ხელმძღვანელობას, მთელს საარჩევნო ადმინისტრაციას, ოლქების, უბნების, წარმომადგენლებს. Yყველას ვინც თავდაუზოგავად იშრომა და მართლაც თავისუფალი და გამჭვირვალე არჩევნები ჩაატარა საქართველოში. ამ ხალხმა 24-საათიან რეჟიმში იმუშავა იმისთვის, რომ არჩევნების მეორე ტური ყოფილიყო ისეთივე დონის როგორც ეს 15 ივნისს გვქონდა", _განაცხადა პრემიერმა.
