ედუარდ შევარდნაძე იყო მსოფლიო მნიშვნელობის პოლიტიკოსი; მისი როლი და დამსახურება თანამედროვე მსოფლიო წესრიგის ჩამოყალიბებაში ძალიან მნიშვნელოვანია და ამას ყველა აღიარებს,-განაცხადა საქართველოს პრემიერ-მინისტრმა ირაკლი ღარიბაშვილმა, რომელიც დღეს ექსპრეზიდენტ ედუარდ შევარდნაძის პანაშვიდზე იმყოფებოდა.
საქართველოს მთავრობის მეთაური კრწანისის რეზიდენციაში მთავრობის წევრებთან ერთად მივიდა. მან გარდაცვლილის ოჯახის წევრებს მიუსამძიმრა და სამძიმრის წიგნში სამახსოვრო ჩანაწერი გააკეთა.
„ედუარდ შევარდნაძე იყო მსოფლიო მნიშვნელობის პოლიტიკოსი, სამწუხაროა, რომ იგი 86 წლის ასაკში გარდაიცვალა. კიდევ ერთხელ ვუსამძიმრებ მის ოჯახსა და ახლობლებს", - განაცხადა ირაკლი ღარიბაშვილმა.
