თავდაცვის მინისტრი ირაკლი ალასანია ე.წ. სამხრეთ ოსეთში დაგეგმილ რეფერენდუმს ეხმიანება და აცხადებს, რომ იქ ჩატარებული რეფერენდუმი, პლებისციტი მოკლებულია ყველანაირ საერთაშორისო სამართლებრივ და საქართველოს კანონმდებლობით ნებისმიერ შედეგებს.
,,მინდა ძალიან ნათლად ვთქვა, რომ ნებისმიერი ფორმით დეფაქტო ცხინვალის რეგიონში, მათ მთავრობაში, მათ მიერ ჩატარებული არჩევნები, რეფერენდუმი, პლებისციტი მოკლებულია ყველანაირ საერთაშორისო სამართლებრივ და საქართველოს კანონმდებლობით ნებისმიერ შედეგებს. Aმას არ ექნება არანაირი მნიშვნელობა არც საერთაშორისო თანამეგობრობისთვის, არც ჩვენთვის რადგან ეთნიკური წმენდის შედეგად გამოდევნილი ქართველი მოსახლეობა და არა მხოლოდ ქართველი მოსახლეობა არ იღებს მონაწილეობას ამ დადგმულ სპექტაკლში. აქედან გამომდინარე ეს ჩვენთვის და მსოფლიოსთვის არანაირი სამართლებრივი შედეგების მატარებელი არ იქნება", _განმარტა ალასანიამ.
მისივე განცხადებით, ეს არის რუსეთის ფედერაციაში გარკვეული ძალების გეგმა, რათა მეტი ზემოქმედება მოახდინონ ქართულ საზოგადოებაზე და ამას ქართული საზოგადოების შიგნით სოკოებივით ამოშლილი პოლიტიკური თუ არასამთავრობო ორგანიზაციები იტაცებენ. როგორც საკითხის კომენტირებისას ალასანიამ განმარტა საქართველო ამ გეგმის ნაწილი არ უნდა გახდეს
