სასწავლო კურსი ექთნებისთვის, რომლის მიზანია საქართველოში საექთნო საქმის განვითარების, პოპულარიზაციის და ექთნების დასაქმების ხელშეწყობა.
აღსანიშნავია, რომ კურსის წარმატებით დასრულების შემთხვევაში კურსდამთავრებულები მიიღებენ გარანტირებულ სამსახურს „სამედიცინო კორპორაცია ევექსის" ქსელის ჰოსპიტალებში.
სასწავლო კურსი შედგენილია თანამედროვე სასწავლო პროგრამების მიხედვით. კურსი მოიცავს როგორც ლექციებს, ასევე პრაქტიკულ მეცადინეობებს სიტუაციური შემთხვევების განხილვითა და სიმულატორების გამოყენებით. კურსს გაუძღვებიან, როგორც „სამედიცინო კორპორაცია ევექსის" კვალიფიციური სპეციალისტები, ასევე მოწვეული საერთაშორისო გამოცდილების მქონე პროფესორ-მასწავლებლები.
კურსი განკუთვნილია მათთვის, ვისაც აქვს დიპლომი საექთნო საქმეში, ვისაც გააჩნია ექთნად მუშაობის უფლება და ასევე სამედიცინო სასწავლებლების დამამთავრებელი კურსის სტუდენტებისათვის.
საექთნო კურსზე საბუთების მიღება წარმოებს 23 ივნისიდან 8 სექტემბრამდე. სწავლა იწყება 15 სექტემბერს. კურსის ხანგრძლივობა შეადგენს 6 თვეს.
შეგახსენებთ, რომ „სამედიცინო კორპორაცია ევექსი" ყველაზე მსხვილი ჰოსპიტალური ქსელია საქართველოში, სადაც 10 000 - მდე თანამშრომელია დასაქმებული და ერთ ერთ მნიშვნელოვან ნაწილს წარმოადგენს უწყვეტი სამედიცინო განათლება . დღეისათვის კორპორაცია მართავს 36 კლინიკას ქვეყნის 6 რეგიონში: იმერეთი, აჭარა, სამეგრელო, კახეთი, სამცხე-ჯავახეთი და შიდა ქართლი. კორპორაციის ჯამური საწოლფონდი 1,892-ს შეადგენს.
