უწმინდესმა და უნეტარესმა სრულიად საქართველოს კათოლიკოს-პატრიარქმა ილია მეორემ არქიმანდრიტი საბა ინწკირველი სვეტიცხოვლის საკათედრო ტაძარში ჩრდილოეთ ამერიკის ეპისკოპოსად აკურთხა.
"თქვენ არჩეული ხართ ასეთი რთული ეპარქიის მღვდელმთავრად. სადაც მრავალი რელიგია და მრავალი ერის წარმომადგენელია ჩრდილოეთ ამერიკის ეპისკოპოსად. ბევრი მიფიქრია იმის შესახებ, თუ რა გვეშველებოდა ამდენი ხალხი, ამდენი ქართველი ხალხი რომ გაიხვეწა უცხოეთში და ისინი ხომ გადაგვარდებოდნენ უეკლესიოდ და აი უფალმა გამოგვიგზავნა ჩვენ ის მადლი და ის წყალობა, რომ უცხოეთის ქვეყნებში დადგინდა მრავალი სამღვდელოებდა და მღვდელმთავარი~, - ბრძანა უწმინდესმა.
