შინაგან საქმეთა მინისტრმა ალექსანდრე ჭიკაიძემ დღეს, საჩხერის რაიონში, სოფელ გორისასთან საპატრულო პოლიციის დეპარტამენტის იმერეთის მთავარი სამმართველოს მე-4 სახაზო განყოფილების ახალი შენობა გახსნა. როგორც ცნობილია, საპატრულო პოლიციის მომსახურება დღემდე არ ვრცელდებოდა გომი-საჩხერე-ჭიათურა-ზესტაფონის საავტომობილო მაგისტრალის 120 კილომეტრიან მონაკვეთზე, ასევე ქალაქ საჩხერესა და ქალაქ ჭიათურაში. ახალი სახაზო განყოფილების საპატრულო ეკიპაჟები აღნიშნულ მონაკვეთზე დაიწყებენ პატრულირებას.
„ავაშენეთ ახალი, კაპიტალური პოლიციის შენობა, სადაც განთავსებული არიან საპატრულო პოლიციის თანამშრომლები, ახალი კეთილმოწყობილი ინფრასტრუქტურა, რაც მნიშვნელოვანი იქნება მათი ხარისხიანი და ეფექტური მუშაობისთვის, ასევე გადმოყვანილი იქნა, შეძენილ იქნა, ახალი სპეცტექნიკა და საპატრულო მანქანები, რაც ამ რაიონისთვის ძალიან მნიშვნელოვანია და ეს საჭიროებიდან გამომდინარე აუცილებელი იყო განვითარება",- აღნიშნა ალექსანდრე ჭიკაიძემ.
დღესვე, სოფელ ჯოყოეთთან ახალი საგუშაგო გაიხსნა, სადაც საპატრულო პოლიციის თანამშრომელი 24 საათის განმავლობაში იმორიგევებს.შინაგან საქმეთა მინისტრმა ალექსანდრე ჭიკაიძემ საპატრულო პოლიციის
დეპარტამენტის იმერეთის მთავარი სამმართველოს მე-4 სახაზო განყოფილების ახალი შენობა საჩხერის რაიონში, სოფელ გორისასთან გახსნა.
დღესვე შინაგან საქმეთა მინისტრმა ალექსანდრე ჭიკაიძემ, შსს-ს საექსპერტო-კრიმინალისტიკური მთავარი სამმართველოს ხელმძღვანელ ნუგზარ სუჯაშვილთან ერთად, საჩხერეში ნარკოლოგიური შემოწმების სამსახური
დაათვალიერა. აღნიშნული სამსახური აქამდე ჭიათურაში ფუნქციონირებდა.
განახლებული ნარკოლოგიური შემოწმების კაბინეტი საჩხერეში 1 თვის წინ გაიხსნა და ქალაქის ცენტრში მდებარე პოლიციის შენობის პირველ სართულზე განთავსდა.
ნარკოლოგიური შემოწმების სამსახური ადამიანის ორგანიზმში ნარკოტიკული საშუალებების, მათ შორის ე.წ. ბიონარკოტიკების და ფსიქოტროპული ნივთიერებების დადგენას უახლესი ნარკოტესტებით ახორციელებს.
ექიმი-ნარკოლოგები ასევე აწარმოებენ კლინიკურ შემოწმებას პირის ნარკოტიკული თრობის მდგომარეობის დასადგენად.
გარდა ამისა, ადგილზე მუშაობს კრიმინალისტიკური ჯგუფი, რომელიც ახორციელებს დაქტილოსკოპიურ და ჰაბიტოსკოპიურ ექსპერტიზას. კრიმინალისტიკური სამსახური აღჭურვილია სისტემით, რომელიც დაკავშირებულია ერთიან ბაზასთან, რისი საშუალებითაც პიროვნების თითის ანაბეჭდებისა და ფოტოსურათის მონაცემთა
ბაზასთან შედარება და პირის ვინაობის დადგენა ოპერატიულად ხორციელდება.
