თბილისი-სენაკი-ლესელიძის საავტომობილო გზის კმ136-კმ152 (ჩუმათელეთი-ხევი) მონაკვეთზე ავტოტრანსპორტის მოძრაობა 20 ივნისის დღის 12:30 სთ-დან 15:00 სთ-მდე თავისუფალია გარდა მისაბმელიანი და ნახევრადმისაბმელიანი ავტოტრანსპორტისა. ამავე გზის 146-ე კმ-ზე მოძრაობა დასაშვებია ცალმხრივად, ჩუმათელეთი-ხევის ან ხევი-ჩუმათელეთის მიმართულებით.
დღეს, 15:00 საათიდან საავტომობილო გზის გაფართოების სამუშაოების დაწყებასთან დაკავშირებით მოძრაობა შუაღამემდე შეიზღუდება. შეზღუდვის პერიოდში, ავტორტანსპორტის მოძრაობა გომი-საჩხერე-ჭიათურა-ზესტაფონის გზის გავლით განხორციელდება.
აღნიშნული რეჟიმით გადაადგილება და მოძრაობის მიმართულების გადართვა განხორციელდება საპატრულო პოლიციის უშუალო ზედამხედველობით და კოორდინაციით.
თბილისი-სენაკი-ლესელიძის საავტომობილო გზის დანარჩენ მონაკვეთებში ავტოტრანსპორტის მოძრაობა თავისუფალია.