ცესკო-ს თავმჯდომარე ზუგდიდის რაიონის სოფელ კოკის #97-ე უბანზე მომხდარ შემთხვევას ეხმიანება და აცხადებს, რომ უბანის შედეგები მოკვლევას საჭიროებს.
,,მე რაც ვნახე ნამდვილად არის საფუძვლები რომ შესაბამისმა საოლქო საარჩევნო კომისიამ შეისწავლოს აღნიშნული საუბნო საარჩევნო კომისიის წევრების ქმედება", _განაცხადა თამარ ჟვანიამ ,,რუსთავი-2"-თან საუბარში.
მისივე განმარტებით, #97-ე საარჩევნო უბანის შედეგები არსებით გავლენას არჩევნების საბოლო შედეგებზე ვერ მოახდენს, თუმცა მოკვლევა საჭიროებს.
შეგახსენებთ, რომ ,,ნაცმოძრაობა" კოალიცია ,,ქართული ოცნების" თბილისის მერობის კანდიდატს დავით ნარმანიას დედას ამომრჩეველზე ზეწოლაში ადანაშაულებს. Pპარტიის ოფისში გუშინ გამართულ პრესკონფერენციაზე ,,ნაცმოძრაობის" წევრმა ზურაბ ჭიაბერაშვილმა სპეციალური ვიდეო წარმოადგინა სადაც, როგორც პარტიაში აცხადებენ, ასახულია როგორ ახდენს ზეწოლას ამომრჩეველზე ნარმანიას დედა.
,,წარმოგიდგენთ ზუგდიდის რაიონის სოფელ კოკის #97-ე საარჩევნო უბანზე არჩევნების დღეს მიმდინარე პროცესს. სწორედ ამ სოფლიდანაა ბატონი დავით ნარმანია, რომელიც ,,ქართულმა ოცნებამ" თბილისის მერობის კანდიდატად დაასახელა. Aამ უბანზე უბნის კომისიის წევრად ქალბატონი ნორა იყო ბატონი დავითის დედა. კადრები რომლის გადაღებაც დამკვირვებლებმა მოახერხეს არჩევნების დღეს ნათლად აჩვენებს თუ როგორ ახდენს ქალბატონი ნორა ზეწოლას ამომრჩეველზე და აიძულებთ მათ აჩვენოს ის ბიულეტენები სადაც ქალბატონი ნორასთვის სასურველი ნომერია შემოხაზული", _განაცხადა ჭიაბერაშვილმა.
