18 -19 ივნისს საქართველოს სომხეთის პრეზიდენტი სერჟ სარგსიანი ეწვევა.
ვიზიტის ფარგლებში დაგეგმილია სერჟ სარგსიანი ს შეხვედრა საქართველოს პრეზიდენტთან გიორგი მარგველაშვილთან, როგორც პირისპირ, ასევე გაფართოებულ ფორმატში. შეხვედის შემდეგ კი ორი ქვეყნის პრეზიდენტი მედიის წარმომადგენლების შეკითვებასაც უპასუხებენ.
სერჟ სარგსიანი ვიზიტის ფარგლებში საქართველოს ერთიანობისათვის დაღუპულ გმირთა მემორიალს გვირგვინით შემკობის.
ასევე დაგეგმილია მისი შეხვედრა საქართველოს პარლამენტის თავმჯდომარესთან დავით უსუფაშვილთან.
საქართველოში ვიზიტის მეორე დღეს, 19 ივნისს, სომხეთის პრეზიდენტის სერჟ სარგსიანისა და საქართველოს პრემიერ-მინისტრის ირაკლი ღარიბაშვილის სამუშაო სადილი იგეგმება.
შეგახსენებთ, რომ 27 თებერვალს საქართველოს პრეზიდენტი გიორგი მარგველაშვილი პირველი ოფიციალური ვიზიტით სომხეთის რესპუბლიკაში იმყოფებოდა. ვიზიტის ფარგლებში მარგველაშვილი სომეხ კოლეგას, ასევე უმაღლეს პატრიარქს, ყოველთა სომეხთა კათოლიკოსს გარეგინ მეორეს შეხვდა.
