დაბადების განახლებული დიზაინის მოწმობების გაცემა სერვისების განვითარების სააგენტოს ტერიტორიულ სამსახურებსა და იუსტიციის სახლებში დღეს დაიწყო. ახალშობილის მშობლებს უკვე აქვთ საშუალება შვილის დაბადების მოწმობა განახლებული, თანამედროვე დიზაინისა და სტანდარტის დოკუმენტის სახით სახით აიღონ.
დაბადების მოწმობის შეცვლის შესახებ ბრძანება, იუსტიციის მინისტრმა თეა წულუკინმა მოსახლეობის სურვილის გათვალისწინებით გამოსცა, რის საფუძველზეც შემუშავდა დაბადების მოწმობის განახლებული, მაღალი სტანდარტის დიზაინი. აღსანიშნავია, რომ დღემდე იუსტიციის სახლებსა და სერვისების განვითარების სააგენტოებში აღნიშნული დოკუმენტი სტანდარტული A4 ფომატის ფურცლის სახით გაიცემოდა, რაც მოსახლეობის უკმაყოფილებას იწვევდა.
დაბადების პირველადი მოწმობა კანონით გათვალისწინებული საბუთების წარდგენიდან მეორე დღეს უფასოდ გაიცემა. მათთვის კი, ვისაც სურვილი აქვს დაბადების რეგისტრაციის მოწმობა ახალი დიზაინის მქონე, თანამედროვე დოკუმენტის სახით ჰქონდეს, სერვისების განვითრების სააგენტოებისა და იუსტიციის სახლის ფილიალებს უნდა მიმართონ. განმეორებითი დაბადების მოწმობის აღების ღირებულება სულ რაღაც 2 ლარს შეადგენს.
დაბადების მოწმობა უკვე მეორე დოკუმენტია, რომელიც იუსტიციის მინისტრის ბრძანებით განახლდა. მაისიდან იუსტიციის სამინისტრომ მოსახლეობას უკვე შესთავაზა განახლებული ქორწინების მოწმობა საზეიმო დოკუმენტის დიზაინით.
