,,ნაცმოძრაობის" საარჩევნო შტაბის თავმჯდომარე გიგი უგულავა ეგზიტპოლების შედეგებს ეხმიანება და აცხადებს, რომ საზოგადოებამ არჩევნებზე ნათლად დაანახა ივანიშვილსა და მმართველ კოალიციას, რომ მას არ მოსწონს ქვეყნის ის განვითარება რომელიც მათ შესთავაზეს.
,,ქართულმა საზოგადოებამ ამ არჩევნებზე ნათლად დაანახა ივანიშვილსა და მმართველ კოალიციას, რომ მას არ მოსწონს ქვეყნის ის განვითარება რომელიც მათ შესთავაზეს. მათ არ მოსწონთ ტყუილ დაპირებებზე აგებული პოლიტიკა რომელსაც მთავრობა სთავაზობს. მათ არ მოსწონთ უმუშევრობის ზრდა, მათ არ მოსწონთ კრიმინალის ზრდა და ჩვენმა საზოგადოებამ ნათლად დაანახა და აგრძნობინა ამ არჩევნებით მთავრობას ეს გზავნილი", _ განაცხადა უგულავამ.
მისივე განმარტებით, მიუხედავად იმისა, რომ ცესკო-ს შემაჯამებელი ოქმების მონაცემებით წინაა მაინც ცალსახაა, რომ თითქმის ყველა თვითმმართველ ქალაქში , მათ შორის, თბილისში მეორე ტური ჩატადრება.
შეგახსენებთ, რომ 15 ივნისის თვითმმართველობის არჩევნებზე, ,, რუსთავი-2" - ის დაკვეთით ჩატარებული ეგზიტპოლებს 18:00 საათის მონაცემებით, თბილისის მერობის კანდიდატებს შორის კოალიცია ,, ქართული ოცნების" კანდიდატი დავით ნარმანია 46, 3% -ით ლიდერობს. მეორე პოზიციას ,, ნაცმოძრაობის " მერობის კანდიდატი ნიკა მელია იკავებს 27, 2% -ით, მესამე პოზიციას კი „ნინო ბურჯანაძე -ერთიანი ოპოზიციის" მერობის კანდიდატი დიმიტრი ლორთქიფანიძე იკავებს 10, 4% -ი
ეგიტპოლები , რომელიც GFK ჩაატარა საქართველოს 7 ქალაქში გამოიკითხა ამომრჩეველი და ცდომილების ზღვარი +%186 არჩევნებზე. ხოლო ტელეკომპანია " იმედის" დაკვეთით ჩატარებული ეგზიტპოლის თანახმად, 2014 წლის ადგილობრივი თვითმართველობის არჩევნებზე თბილისის მერობის კანდიდატებს შორის კოალიცია " ქართული ოცნების" კანდიდატი დავით ნარმანია 51,2 -ით ლიდერობს, მეორე პოზიციაზეა " ნაციონალური მოძრაობის" კანდიდატი ნიკა მელიაა 24,7 % -ით, მესამე ადგილს კი "ნინო ბურჯანაძე -ერთიანი ოპოზიციის" კანდიდატი დიმიტრი ლორთქიფანიძე 10, 8% -ით იკავებს. ეგზიტპოლები კომპანია ,,ACT" -მა მოამზადა.