ყოფილი პრემიერ-მინისტრის ბიძინა ივანიშვილის განცხადებით, მას საქართველოს პრეზიდენტის უკვე ყოფილი მრჩეველის ვანო მაჭავარიანის თანამდებობიდან წასვლასთან არავითარი კავშირი არ აქვს. როგორც ივანიშვილმა ნატანების 61-ე საარჩევნო უბანზე ხმის მიცემის შემდეგ განაცხადა ახლაც მიიჩნევს, რომ მაჭავარიანი ფავორიტი არ უნდა ყოფილიყო.
"პირველ რიგში, ამასთან მე არაფერი კავშირი არ მაქვს. ჩემს გამოსვლაში არ მიმინიშნებია იმაზე თუ რატომ მუშაობს ვანო მაჭავარიანი პრეზიდენტის სამსახურში. ვთვლიდი და გავიმეორებ, რომ ის არ უნდა ყოფილიყო ფავორიტი, რადგან ეს უბრალოდ პოლიტკორექტულობას არღვევდა, მეტი არაფერი. ეს ყველაფერი შესაძლებელი იყო და მე ჩემი აზრი გამოვთქვი. არ მინდა, რომ ის როგორც მოხდა და განვითარდა, ვინმემ მე მომაწეროს", _განაცხადა ივანიშვილმა.
