პრემიერ-მინისტრმა ირაკლი ღარიბაშვილმა საკუთარი არჩევანი ოჯახთან ერთად ვაკის მე-11 საარჩევნო უბანზე დააფიქსირა. როგორც ჟურნალისტებთან პრემიერმა განაცხადა ხელისუფლების მტკიცე ნებაა არჩევნები ჩატარდეს დემოკრატიულ გარემოში.
,,მე ხმა მივეცი საქართველოს მომავალს, საქართველოს განვითარებას, წინსვლას, სტაბილურობას, ჩვენი შვილების ბედნიერ მომავალს. Mმინდა აღვნიშნო, რომ ჩვენ გვაქვს მტკიცე ნება რომ ეს არჩევნები რომელიც არის ძალიან მნიშვნელოვანი ჩვენი ქვეყნის განვითარებისთვის სტაბილურობისთვის ჩატარდეს მაქსიმალურად მშვიდად, დემოკრატიულ გარემოში. ამისათვის ჩვენ ყველა წინასწარი პირობა დაცული გვქონდა და დღესაც მაქსიმალურად მობილიზებული ვართ რომ ეს დღე წარმატებული იყოს ჩვენი ქვეყნის განვითარების ისტორიაში", _განაცხადა ღარიბაშვილმა.
