„ერთიანი ნაციონალი მოძრაობა" იმ დარღვევების ჩამონათვალს აქვეყნებს, რომელიც მათ მიერ იქნა დაფიქსირებული. პარტიის მიერ გამოქვეყნებულ დარღვევებს გთავაზობთ უცვლელად:

• წალკის 34-ე უბანზე "ქართული ოცნების" კანდიდატი უბანზე ეწეოდა აგიტაციას.
• ზუგდიდის რაიონის 91-ე უბნის (ანაკლია) ჩაშლას ასევე აპირებენ გარდაცვლილის, აბულაძის ნათესავები.
• ზუგდიდის რაიონის 32-ე უბანი (ანაკლია) ჩაიშალა ერთ-ერთი გარდაცვლილის, აბულაძის ნათესავების მივარდნის გამო.
• ბოლნისის 48-ე უბანზე (ტალავერის თემი) ენმ წარმომადგენელს მაჟორიტარობის კანდიდატის ძმამ, აბას აბასოვმა ჩამოაგლიჯა სამკერდე ნიშანი. საუბნო კომისიის თავმჯდომარე ენმ წარმომადგენელს აღარ უშვებდა უბანზე იმ მოტივით, რომ აღარ ჰქონდა სამკერდე ნიშანი.
• დიცსა (38-ე უბანი) და არბოში (39-ე უბანი) ირაკლი ღარიბაშვილის ბიძამ, რამაზ ყორანაშვილმა ჩვენს კანდიდატს, ალექსანდრე ჯალაბაძეს შეუთვალა, რომ ბიულეტენების ჩაყრას აპირებს და ხელი არ შეუშალონ მისმა წარმომადგენლებმა
• გამთენიის 5 საათზე მარტვილის რაიონის სოფელ დოშაყეში (მე-16 საარჩევნო უბანი) შეიარაღებული პირები დაადგნენ დაცვის პოლიციას და უბნიდან საარჩვენო ბიულეტენები გაიტაცეს.