დღეს, 13 ივნისს, 14:00 სთ-ზე სასტუმრო „შერატონ მეტეხი პალასში" სისხლის სამართლის კოდექსის კერძო ნაწილის ცვლილებების პროექტის განხილვა გაიმართება.
ღონისძიებაში მონაწილეობას მიიღებენ იუსტიციის მინისტრის პირველი მოადგილე ალექსანდრე ბარამიძე, საკანონმდებლო და აღმასრულებელი ხელისუფლების წარმომადგენლები, ქართული არასამთავრობო და საერთაშორისო ორგანიზაციები.
ცვლილებების პრეექტი სისხლის სამართლის კოდექსის კერძო ნაწილში სისხლის სამართლის სისტემის რეფორმის უწყებათაშორისი საბჭოს ფარგლებში შექმნილი სისხლის სამართლის ექსპერტთა სამუშაო ჯგუფის მიერ მომზადდა. ცვლილებების მიზანი კანონმდებლობის ლიბერალიზაცია, მოდერნიზაცია და ადამიანის უფლებების საერთაშორისო სტანდარტებთან შესაბამისობაში მოყვანაა.
შეხვედრა ორგანიზებულია ევროკავშირის დაფინანსებული პროექტის „სისხლის სამართლის სისტემის რეფორმის მხარდაჭერა საქართველოში" დახმარებით.
