არასამთავრობო ორგანიზაცია ბოლო ორი თვის განმავლობაში აქტიურად ადევნებს თვალს ადგილობრივი თვითმართველობის არჩევნებისთვის პოლიტიკური გაერთიანებებისა და დამოუკიდებელი კანდიდატების მიერ განხორციელებულ წინასაარჩევნო კამპანიას. მიუხედავად იმისა, რომ აღნიშნულ არჩევნებში კანდიდატთა უპრეცედენტო რაოდენობა იღებს მონაწილეობას და ახალი თვითმმართველობის კოდექსის მიხედვით 12 თვითმმართველ ქალაქში პირდაპირი წესით მოხდება მერების არჩევა, წინასაარჩევნო კამპანია მეტ-ნაკლები ექსესებით მიმდინარეობს. მისასალმებელია ის ფაქტი, რომ პრემიერ-მინისტრის მიერ წინასაარჩევნოდ გამოცხადებულია მორატორიუმი, რისი საშუალებითაც წინასაარჩევნო კამპანიის პირობებში არცერთი საარჩევნო სუბიექტის დაკავება არ ხდება.
ორგანიზაცია აღნიშნავს, რომ წინასაარჩევნო მშვიდი გარემოს მიუხედავად, ადგილი ქონდა რიგ დარღვევებს, როდესაც ერთ-ერთი პოლიტიკური პარტიის ლიდერები მარნეულის საოლქო საარჩევნო კომისიის თავმჯდომარეს კაბინეტში შეუვარდნენ, მიაყენეს შეურაცხყოფა და ახდენდნენ ფსიქოლოგიურ ზეწოლას. განსაკუთრებული აქტიურობით გამოირჩეოდა თბილისის ყოფილი მერი და დღეს თანხების მითვისებაში ბრალდებული, ბატონი გიგი უგულავა.
არასამთავრობო ორგანიზაცია „HLF" გმობს არაცივილური გზით გამოხატულ ყველანაირ პროტესტს და მიმართავს პოლიტიკურ პარტიებსა და დამოუკიდებელ კანდიდატებს, თავი შეიკავონ არეულობის პროვოცირებისაგან; კანონდარღვევების შემთხვევაში კი, დაუყოვნებლივ აცნობონ არასამთავრობო სექტორს და შესაბამის უწყებებს.
