დღეს „არასაპარლამენტო ოპოზიციის" ლიდერები მანანა ნაჭყებია და გიორგი ასათიანი წალკის რაიონის სოფლების იმერას, სამებას და საბეჯისის მოსახლეობას შეხვდნენ. შეხვედრა ასევე, გაიმართა ასევე წალკის რაიონულ ცენტრში.
„წალკის რაიონის იმ სოფლების მოსახლეობის ძირითადი პრობლემა, სადაც ეკომიგრანტები არიან ჩამოსახლებული, არის მიწა და საცხოვრებელი სახლები. წინა და ამ ხელისუფლების სირცხვილად მიმაჩნია, რომ ამ ძირძველ ქართულ მიწაზე არავის არაფერი გაუკეთებია ამ მოსახლეობის ხელშეწყობისთვის. სამწუხაროა, რომ ამ ქვეყანაში ყველა მმართველი ძალა პატრიოტიზმს იჩემებს და პრაქტიკულად არაფერს აკეთებს იმისთვის, რომ ამ მხარეში ეკომიგრანტები დაფუძნდნენ, იქონიონ მიწა, არჩინონ ოჯახები და დოვლათ შექმნან საკუთარი ქვეყნისთვის.
მინდა დებატებში გამოვიწვიო წალკის მაჟორიტარი დეპუტატი რევაზ შავლოხაშვილი და ძალიან მაინტერესებს რა პასუხს გასცემს ის სოფელ სამების მოსახლეობას, რომელსაც არცერთი დანაპირები არ შეუსრულა ამდენი ხნის განმავლობაში", - განაცხადა მანანა ნაჭყებიამ.
