ამ წუთებში საქართველოს პრეზიდენტი გიორგი მარგველაშვილი კიევში უკრაინის პრემიერ-მინისტრ არსენი იაცენიუკს ხვდება. შეხვედრას პრეზიდენტის თანმხლები დელეგაციის წევრები ესწრებიან, რომლის შემადგენლობაშიც არიან პარლამენტის თავმჯდომარის მოადგილე ზვიად ძიძიგური, პარლამენტის საგარეო ურთიერთობათა კომიტეტის თავმჯდომარე თედო ჯაფარიძე, საქართველოს საგანგებო და სრულუფლებიანი ელჩი უკრაინაში მიხეილ უკლება, ეროვნული უშიშროების საბჭოს მდივანი ირინე იმერლიშვილი, პრეზიდენტის ადმინისტრაციის უფროსი ლაშა აბაშიძე, პრეზიდენტის საერთაშორისო ურთიერთობების მდივანი ივანე მაჭავარიანი და საპარლამენტო მდივანი დავით პატარაია.
გიორგი მარგველაშვილი უკრაინის პრეზიდენტის პეტრო პოროშენკოს ინაუგურაციის ცერემონიაზე დასასწრებად საქართველოს დელეგაციასთან ერთად კიევს დღეს ეწვია.
დღესვე ქვეყნის პირველი პირი ევროპის მაიდანს მოინახულებს და პატივს მიაგებს ბოლო პერიოდში განვითარებული მოვლენების დროს დაღუპული გმირების ხსოვნას.
--
