რეგიონული ტურნეს ფარგლებში ქვემო ქართლში მყოფი საქართველოს პრემიერ-მინისტრი ირაკლი ღარიბაშვილი დღეს მარნეულის რაიონის სოფელ ყულარის მოსახლეობას შეხვდა და მათ პრობლემებს გაეცნო. ადგილობრივებმა მთავრობის მეთაურს შიდა გზისა და სასმელი წყლის პრობლემის მოგვარება სთხოვეს. ირაკლი ღარიბაშვილი მათ დახმარებას და პრობლემების დროულ აღმოფხვრას დაჰპირდა. მან ასევე პირობა მისცა სოფლის პედაგოგებს, რომ გაერკვევა სახელფასო დანამატების გაცემის შეფერხების მიზეზებში.
