პრემიერ-მინისტრის ირაკლი ღარიბაშვილის შეფასებით, პოლიცია აბსოლუტურად დეპოლიტიზირებულია .
მისი განცხადებით, ის, რომ დღეს მოქალაქეებს პოლიციის და სამართალდამცავი ორგანოების აღარ ეშინია, ძალიან დიდი მიღწევაა.
„ჩვენს მოქალაქეებს რეალურად თავისუფლება დავუბრუნეთ. დღეს პოლიცია არის აბსოლუტურად დეპოლიტიზირებული . შემიძლია რეალურად დიდი სიამაყით გითხრათ, რომ ეს არის არა პირადად ჩემი, არამედ მთელი ქვეყნის მონაპოვარი. რეფორმები , რომელიც აღნიშნულ სამინისტროში გასულ წელს დაიწყო, გრძელდება. თუნდაც ის, რომ დროებით მოთავსების იზოლატორში ადამიანის უფლებების დარღვევის არც ერთი ფაქტი არ დაფიქსირებულა, ეს დაუჯერებელი იქნებოდა სულ რაღაც ორი წლის წინ. ადამიანების წამება, არაადამიანური მოპყრობა სულ რაღაც ორი წლის წინ დროებითი მოთავსების იზოლატორებში იწყებოდა, შემდეგ გრძელდებოდა პროკურატურაში, შემდეგ ციხეებში და ასე შემდეგ. დღეს ვერ ერთ ასეთ ფაქტს მოქალაქე ვერ დამისახელებს, რადგან არ არსებობს"- განაცხადა პრემიერ-მინისტრმა ჟურნალისტებთან შეხვედრაზე.
ირაკლი ღარიბაშვილმა დღევანდელ პრესკონფერენციაზე პენიტენციურ სისტემაში არსებულ მდგომარეობაზეც ისაუბრა და განაცხადა, რომ დღეს ციხეები იმაზე ბევრად უფრო გამჭირვალეა , ვიდრე უნდა იყოს და არის თანამედროვე ევროპულ სახელმწიფოებში.
„ეს იყო ერთ-ერთი ყველაზე ურთულესი სამინისტრო, სადაც ხდებოდა ადამიანის უფლებების დარღვევის გაუგონარი ფაქტები, წამება, არადამიანური მოპყრობა. სოზარმა გააკეთა ძალიან ბევრი ამ მიმართულებით რეალურად 180 გრადუსით შეცვალა პატიმრებისადმი მიდგომები დღეს ციხე იმაზე ბევრად უფრო გამჭირვალე გახდა, ვიდრე უნდა იყოს და არის თანამედროვე ევროპულ სახელმწიფოებში" - განაცხადა პრემიერ-მინისტრმა.
