ასეთი კომენტარი ირაკლი ღარიბაშვილმა დღევანდელ პრესკონფერენციაზე იმ შეკითხვის საპასუხოდა გააკეთა, რომლის თანახმად, პრემიერ-მინისტრმა ერთ-ერთ რეგიონში განაცხადა, რომ „ქართული ოცნება" არც ერთ რეგიონსა და არც ერთ ქალაქში სხვა პოლიტიკური ძალის გამარჯვებას არ დაუშვებდა.
„აბსოლუტურად არ გამიკეთებია არასწორი განცხადება. მინდა, შეგახსენოთ რომ რეგიონებში დავდივარ და აქტიურ საარჩევნო კამპანიას ვაწარმოებ. ამ ფარგლებში ის განცხადება, რომელიც გავაკეთე, გავაკეთე როგორც მმართველი პოლიტიკური ძალის - კოალიცია „ქართული ოცნების" ლიდერმა და არა როგორც ქვეყნის პრემიერ-მინისტრმა ეს არის ძალიან დიდი განმასხვავებელი ნიშანი და, რა თქმა უნდა, ყველა პოლიტიკური ძალის ლიდერი დაინტერესებული და მოტივირებულია, რომ მისმა პოლიტიკურმა ძალამ მაქსიმალურ შედეგებს მიაღწიოს", - აღნიშნა პრემიერმა.
მისივე თქმით, ყველა ევროპულ, განვითარებულ და დემოკრატიულ ქვეყანაში პოლიტიკური ძალის ლიდერი მისი პარტიის გამარჯვებაზე ზრუნავს.
„ეს მოწოდება იყო რეალურად თითოეული ამომრჩეველისადმი , იყო მოწოდება ჩვენს კოალიციაში შემავალი პარტიების თითოეული აქტივისტისადმი, რომ მათი აქტიურობა იყოს გააქტიურებული, რომ მაქსიმალურ შედეგს მივაღწიოთ. ამაში უჩვეულო არაფერი არ არის, ეს იყო ჩვეულებრივი პოლიტიკური ძალის ლიდერის მოწოდება", - განაცხადა ღარიბაშვილმა.