ევროკავშირთან ასოცირების შესახებ შეთანხმებაზე ხელმოწერას დაესწრება თუ არა პრეზიდენტი ისევ უცნობია. როგორც პრემიერ-მინისტრი ირაკლი ღარიბაშვილი განმარტავს, ამაზე საუბარი არ ყოფილა, თუმც პრეზიდენტის სურვილი თუ იქნება „რატომაც არა".
„არავითარი დაძაბულობა ჩემსა და გიორგის შორის არ არსებობს. ჩვენს გვაქვს ისეთი ურთიერთობა, როგორიც უნდა ქონდეს ახალი კონსტიტუციის ამოქმედების შემდეგ პრემიერსა და პრეზიდენტს. ის საუბრები, რომელიც მიმდინარეობს ნაციონალური მოძრაობის მხრიდან და ზოგიერთი მედია საშუალებები ახდენენ ამის ტირაჟირებას, ეს არის მიზანმიმართული პოლიტიკა, რომ მოახდინონ მოსახლეობის დაძაბვა, რომ რაღაც ხდება. არაფერი არ ხდება რეალურად. მე მინდა მოსახლეობა დავარწმუნო, რომ დაძაბულობა და მით უმეტეს, პიროვნული დაძაბულობა ჩვენს შორის არ არსებობს. სამწუხაროდ მე არ მაქვს იმდენი დრო და არც პრეზიდენტს, რომ უფრო ხშირად მოხდეს ჩვენი შეხვედრები. ამის აუცილებლობაც არ არის. როცა გვაქვს საჭიროება ჩვენ ვხვდებით კიდეც და როცა არის საერთო სახელმწიფოებრივი მნიშვნელობის საკითხები, ან დღესასწაულები მით უმეტეს - ჩვენ ერთად ვჩნდებით. იგივე იყო 26 მაისს, საქართველოს დამოუკიდებლობის დღეს, რომელიც გახსნა პრეზიდენტმა.
ჩვენ უნდა შევეჩვიოთ, რომ კონსტიტუცია შეიცვალა, აღმასრულებელი ხელისუფლების ხელძღვანელი არის პრემიერ-მინისტრი. პრეზიდენტს სხვა ფუნქციები აქვს, პრემიერ-მინისტრს - სხვა. ის რომ პრეზიდენტი და პრემიერ-მინისტრი ერთად ხშირად არ ჩნდებიან საზოგადოებაში, ამაში უჩვეულო არაფერი არ არის. პრეზიდენტს არ აქვს შეხება მთავრობასთან. არ არის აუცილებელი საქართველოში ჩამოსულ პრეზიდენტს უცხოელ დახვდეს პრეზიდენტი და პრემიერ-მინისტრი ერთად", - განაცხადა ღარიბაშვილმა.