,,ნაცმოძრაობა" საქართველოს რკინიგზაში არსებულ პრობლემებზე საუბრობს. როგორც პარტიის ოფისში გამართულ პრესკონფერენციაზე ,,ნაცმოძრაობის" წევრმა ზურაბ ჯაფარიძემ განაცხადა ანუ კომპანიამ წელიწადნახევარში განიცადა 10 წლიანი რეგრესი.
,,გვსურს საზოგადოების ყურადღება კიდევ ერთხელ გავამახვილოთ საქართველოს რკინიგზაში შექმნილ ვითარებაზე 2014 წლის აპრილის მდგომარეობით. 2014 წლის გადაზიდვების გეგმად განისაზღვრა 20 მილიონი ტონა ტვირთი, რაც წარმოადგენს 2011 წლის მაჩვენებელს ჩვენს ხელს არსებული აპრილის მონაცემებით, მოსალოდნელი შესრულება არის 15 მილიონი ტონა. ეს არის 2004 წლის მაჩვენებელი. ანუ კომპანიამ წელიწადნახევარში განიცადა 10 წლიანი რეგრესი!ეს არის შედეგი იმისა, რომ სახელმწიფოს მფლობელობაში არსებული კომპანიას მართავს სრულიად არაკომპეტენტური ხალხი. ეს არის შედეგი იმისა, რომ საქართველოს რკინიგზის მენეჯმენტში უხეშად ერეოდნენ და ერევიან არაუფლებამოსილი პირები ,,ექსპერტ'' გია ხუხაშვილისა და ბ-ნი ივანიშვილის 'საყვარელი დეიდაშვილის', ბ-ნი უჩა მამაცაშვილის სახით. ეს არის შედეგი იმისა, რომ მოხდა გადამზიდავის მონოპოლიზაცია და ისეთი სატარიფო პოლიტიკის შემოღება, რომელიც იძლევა კორუფციული გარიგებების დადების შესაძლებლობას.ასეთ ვითარებაში ცხადია საუბარი ზედმეტია როგორც თბილისის შემოვლითი რკინიგზის მშენებლობაზე, რომლის დასაფინანსებელი სახსრებიც რკინიგზას აღარ აქვს, ისე შეკვეთებზე ელმავალმშენებელი და ვაგონმშენებელი ქარხნებისთვის, რომელთა თანამშრომლების უდიდესი ნაწილი უკვე თვეებია უხელფასო შვებულებაშია გაშვებული. კიდევ ერთხელ შევახსენებთ საზოგადოებას, რომ საქართველოს რკინიგზაში არსებული პრობლემების გამო:მილიონობით ტონა დაკარგული ტვირთი აზიიდან ევროპაში ხვდება საქართველოს გვერდის ავლით, ანუ რუსეთის გავლით და ეს არის დაკარგული კონკრეტული შემოსავლები საქართველოსთვის ეს ნიშნავს რომ ხდება საქართველოს სტრატეგიული ფუნქციის - აზიისა და ევროპის დამაკავშირებელი დერეფნის - სრული ეროზია, რაც ძალიან შემაშფოთებელი ტენდენციაა", _განაცხადა ჯაფარიძემ.