იუსტიციის მინისტრი თეა წულუკიანი ფონიჭალაში მომხდარ ინციდენტს ეხმიანება და აცხადებს, რომ კვერცხების სროლა ცივილიზებული და კულტურული საზოგადოებისთვის დამხასიათბელი არ არის.
,, კიდევ ერთხელ მინდა ყველა მოქალაქეს, ყველა კერძო პირებისგან შემდგარ ჯგუფს მოვუწოდო, რომ თუ მათ არ მოსწონთ რომელიმე კანდიდატი ამ შეხვედრაზე ნუ მივლენ, რადგან კვერცხების სროლა და ამ ტიპის დაპირისპირება არ არის დამახასიათებელი ცივილიზებული და კულტურული საზოგადოებისთვის. ვაცადოთ კანდიდატებს, ვინც არ უნდა იყოს ის, თავის პოტენციურ ამომრჩეველს დაუმტკიცოს, რომ ის სხვებს სჯობს", - განაცხადა წულუკიანმა
შეგახსენებთ, რომ გუშინ ფონიჭალაში "ქართული ოცნებისა" და "ნაციონალური მოძრაობის" მომხრეებს შორის დაპირისპირება მოხდა. "ნაციონალური მოძრაობის" კრწანისის მაჟორიტარობის კანდიდატს ხათუნა ბერძენიშვილს ,,ქართული ოცნების" აქტივისტებმა კვერცხებიც დაუშინეს. დაპირისპირების გამო ადგილზე საპატრულო პოლიციის გამოძახება გახდა საჭირო.
