,,ნაცმოძრაობის" წევრის გივი თარგამაძის განცხადებით, მოსასმენ აპარატურის შესყიდვასთან დაკავშირებით ხელისუფლება მორიგი სპექტაკლის დადგმას აპირებს და ამ პროცესში ჩართულია შსს ყოფილი მაღალჩინოსანი ვაჟა ლელუაშვილი.
,, ჩვენი ვარაუდი, როგორც ჩანს, მართლდება იმასთან დაკავშირებით, რომ შსს ყოფილი მაღალჩინოსანი რომელიც იტყვის, რომ მის მიერ იქნა შეძენილი, სავარაუდოდ, კიევში მოსასმენი პორტატული აპარატურა რაც სინამდვილეს არ შეესაბამება, მაგრამ ამას დაიბრალებს ვაჟა ლელუაშვილი, კუდის უფროსის ყოფილი მოადგილე. საქმეში ასევე წარმოდგენილი იქნება ორი ყოფილი ,,კუდელი". გვარებს ვაზუსტებთ, ამიტომ ახლა ვერ გეტყვით. ფაქტია, რომ ამ ადამიანებს ბოლო ერთი კვირის მანძილზე ატარებენ რეგულარულად მოდულის შენობაში და ისინი როგორც ფილმის გადაღებებზე ისე დადიან იქ და ეს სპეკტაკლი შესაბამისი სცენარითა და რეჟისურით იდგმება", _განაცხადა თარგამაძემ.
მისივე განმარტებით, ზემოთ ჩამოთვლილ ადამიანებს აიძულებენ, რომ კონკრეტულად ხელი დაადონ ყოფილ პრემიერს ვანო მერაბიშვილს. როგორც თარგამაძემ განამარტა მათ ჰყავთ, სავარაუდოდ, კიდევ ერთი სამიზნე მერაბიშვილის ყოფილი მოადგილე გია ლორთქიფანიძე.
თარგამაძემ ხელისუფლების წარმომადგენლებს მოუწოდებს თავი შეიკავონ მსგავსი ტიპის სცენარების განხორციელებაზე.
