საქართველოს პრეზიდენტი გიორგი მარგველაშვილი საქართველოში ირანის საგანგებო და სრულუფლებიან ელჩს აბას თალებიფარის შეხვდა. როგორც ,,ჯი-ეიჩ-ენს" პრეზიდენტის ადმინისტრაციიდან აცნობეს მხარეებმა ორი ქვეყნის ურთიერთობა განიხილეს. გამოითქვა სურვილი, რომ გაღრმავდეს თანამშრომლობა ეკონომიკური და პოლიტიკური მიმართულებით. მათ ყურადღება რეგიონში საქართველოს გეოეკონომიკურ როლზე გაამახვილეს და უსაფრთხოების საკითხებზეც ისაუბრეს.
აბას თალებიფარმა ირანის პრეზიდენტის სახელით გიორგი მარგველაშვილი ირანში ოფიციალური ვიზიტით მიიწვია და ხაზგასმით აღნიშნა საქართველოს პრეზიდენტის ვიზიტის განსაკუთრებული მნიშვნელობა ორ ქვეყანას შორის თანამშრომლობის გაღრმავების თვალსაზრისით.
