უკრაინაში ანტიტერორისტული ოპერაცია გრძელდება. ანტიტერორისტული ოპერაციის ინფორმირების ოპერატიული ჯგუფის ხელმძღვანელის ვლადისლავ სელეზნიოვს ინფორმაციით, გასული დღე-ღამის განმავლობაში მომხდარი შეტაკებების შედეგად დაღუპულია ორი უკრაინელი სამხედრო და ლიკვიდირებულია 20 ბოევიკი.
მისივე განცხადებით, საუბარი მიდის ბოევიკებზე ლუგანსკიდან და რუს დაქირავებულებზე, რომლებიც ბოლო დროს ქალაქ ანტრაციტში არიან დისლოცირებულნი.
"ბრძოლების დროს ბოევიკების დანაკარგი 20 ადამიანია, დაჭრილია დაახლოებით 30 ბოევიკი. წყაროების ინფორმაციით, ლისიჩანსკისა და სევეროდონეცკის მორგები სავსეა ბანდიტების გვამებით.
სამწუხაროდ, უკრაინულმა არმიამაც განიცადა დანაკარგი. მოკლულია 2 და დაჭრილია 7 უკრაინელი სამხედრო", _ აცხადებს სელეზნიოვი.
