უკრაინაში ამჟამად არსებული ვითარება ვერ გვარწმუნებს, რომ ამ ქვეყანაში საპრეზიდენტო არჩევნები სათანადოდ ჩატარდება, - ამის შესახებ რუსეთის პრემიერ-მინისტრმა დიმიტრი მედვედევმა განაცხადა.
Bloomberg TV-თან ინტერვიუში მედვედევმა ერთმანეთისგან გამიჯნა არჩევნების „შედეგების აღიარება" და „ნების გამოხატვისადმი პატივისცემა".
„არ შემიძლია ვთქვა, რომ არჩევნების შედეგების მიხედვით, რომელიც მაისში იქ გაიმართება, ადამიანების ნაწილი მხარს დაუჭერს ამა თუ იმ კანდიდატურას. რა თქმა უნდა შესაძლებელია პატივიცემით მოეპყრა ამ პოზიციას. წარმოადგენს თუ არა ეს დამოკიდებულება აღიარების აქტს? არა, არ წარმოადგენს", - განახცადა მედვედევმა.
მისი თქმით, აღიარების აქტი უცხო ქვეყნის მხრიდან შესაძლებელია მხოლოდ იმ შემთხვევაში. როდესაც არჩევნების შედეგები ერთმნიშვნელოვნად ადასტურებს მოსახლეობის დიდი უმრავლესობის ნების გამოხატვას.
ამავე დროს მედვედევმა აღნიშნა, რომ უკრაინაში შექმნილი ვითარება არ იძლევა იმის საფუძველს რომ არჩევნები შესაფერისად ჩატარდება.
მედვედევმა ლოგიკაც მოიშველია და განაცხადა, რომ ეს არჩევნები ხელისუფლების ანტიკონსტიტუციურად შეცვლის შედეგია.
მან აღნიშნა, რომ იანუკოვიჩი არავის გადაუყენებია, Tავად არ გაუკეთებია განცხადება გადადგომის შესახებ და შესაბამისად, აღმასრულებელი ხელისუფლება უკრაინაში არის უკანონო.
„მაგრამ ჩვენ გვესმის. რომ არის პარლამენტი, რომელიც არჩეულია ლეგიტიმურად, ამიტომაც არჩევნები არის მომხდარი მოვლენების პირდაპირი შედეგი", - განაცხადა მედვედევმა და დასძინა რომ ამ არჩევნებს აქვს დაბალი ლეგიტიმუროიბის ხარისხი.
შეგახსენებთ, რომ უკრაინაში საპრეზიდენტო არჩევნები 25 მაისს გაიმართება.
