საგარეო საქმეთა მინისტრის მაია ფანჯიკიძის განცხადებით, საქართველოში საფრანგეთის პრეზიდენტის სტუმრობა ძლიერი მხარდაჭერის გამოხატულება და განსაკუთრებული მოვლენაა საქართველოს საგარეო პოლიტიკის ისტორიაში.
"ეს არის ძლიერი მხარდაჭერის გამოხატულება საქართველოს მიმართ, განსაკუთრებით ახლა, რადგან ვუახლოვდებით ასოცირების ხელშეკრულების ხელმოწერის თარიღს. თემები რომელზეც საუბარი იქნება შეეხება ევროკავშირსა და ნატოს, მოახლოვებულ ასოცირების ხელშეკრულების ხელმოწერას, ნატოს დაგეგმილ სამიტს სექტემბერში. მაგრამ განსაკუთრებული ყურადღება დაეთმობა თავდაცვის სფეროში თანამშრომლობას, რადგან ჩვენ გამოვაცხადეთ მზაობა მონაწილეობა მივიღოთ ცენტრალური აფრიკის რესპუბლიკაში ევროკავშირის ეგიდით გამართულ სამშვიდობო ოპერაციაში, რომელშიც წამყვანი სწორედ საფრანგეთია. საფრანგეთის პრეზიდენტის სტუმრობა არის განსაკუთრებული მოვლენა საქართველოს საგარეო პოლიტიკის ისტორიაში. განაცხადა მაია ფანჯიკიძემ.
შეგახსენებთ, რომ საფრანგეთის პრეზიდენტს საქართველოში 15:00 საათზე ელოდებიან.
