,,ერთიანი ნაციონალური მოძრაობა" შს მინსიტრის საკანონმდებლო ორგანოში მისვლას კვლავ ითხოვს. როგორც პარტიის წევრმა ხათუნა გოგორიშვილმა ჟურნალისტებთან განაცხადა, აუცილებელია შს მინსიტრმა ალექსანდრე ჭიკაიძემ ყველა საჭირბოროტო კითხვას უპასუხოს.
,,იმ ფონზე როცა ჩვენი მოქალაქეები მშვიდად ვეღარ გადაადგილდებიან, მათთვის არ არსებობს არანაირი უსაფრთხო გარემო და მშვიდი ცხოვრების გარანტიები; საგრძნობლად იმატა დანაშაულმა და ქუჩაში ნიღბიანი ბანდფორმირებები ადამიანებს სასტიკად უსწორდებიან, წამყვანი მედია საშუალების „რუსთავი-2"-ს ოფისში აღმოჩენილია თვალთვალისა და მიყურადების აპარატურა, სრულიად მიუღებელია მინისტრის მხრიდან პარლამენტის იგნორირების ჯიუტი მცდელობა. ჩვენ კიდევ ერთხელ და კატეგორიულად მოვითხოვთ საზოგადოებისთვის საინტერესო და საჭირბოროტო კითხვებზე პასუხის გასაცემად შსს მინისტრის პარლამენტში მოსვლას. მივმართავ პარლამენტის თავმჯდომარესაც. იმედს ვიტოვებ, რომ დავით უსუფაშვილის განცხადებები პროცედურულ დემოკრატიაზე და პარლამენტის როლის გაძლიერებაზე არ არის ლიტონი სიტყვები და ის მოახერხებს ალექსანდრე ჭიკაიძის პარლამენში მოყვანას. შესაბამისად, უმაღლესი საკოანონმდებლო ორგანოს პრესტიჟის დაცვას.ჩვენის მხრივ დავამატებ, რომ ჰაკიმ ფაშას ხელის ბიჭს არ უნდა ჰქონდეს იმედი, რომ ჩვენ დროთა განმავლობაში გადაგვავიწყდება ეს თემა და მისი უპასუხისმგებლო, ცრუ განცხადებები. საპარლამენტო უმცირესობა მინისტრის პარლამეტში მოწვევის საკითხს დღის წესრიგიდან არ მოხსნის", - განაცახდა გოგორიშვილმა.
შეგახსენებთ, რომ ,,ნაცმოძრაობამ" შს მინისტრი საკანონმდებლო ორგანოში ერთხელ უკვე დაიბარა, თუმცა ალექსანდრე ჭიკაიძე პარლამენტში არ გამოცხადდა და მიზეზად გადატვირთული გრაფიკი დააასახელა.