უკრაინასთან დაკავშირებით, გადამწყვეტი ზომები უახლოეს მომავალში იქნება მიღებული. განცხადება ამის შესახებ საფრანგეთის პრეზიდენტმა ფრანსუა ოლანდმა აზერბაიჯანის პრეზიდენტთან ილჰამ ალიევთან გამართულ ერთობლივ პრესკონფერენციაზე გააკეთა,რომელიც მოლაპარაკებების შემდეგ გაიმართა. ოლანდმა ასევე განაცხადა, რომ საფრანგეთი სახელმწიფოთა ტერიტორიულ მთლიანობას დიდ მნიშვნელობას ანიჭებს.
„ჩვენ პრინციპების დაცვისათვის პრინციპულად უნდა ვიმოქმედოთ. ვფიქრობ, უახლოეს დღეებში მიღებული იქნება გადამწყვეტი ზომები უკრაინასთან მიმართებაში",_ განაცხადა ოლანდმა და აღნიშნა, რომ მან ოლჰამ ალიევთან შეხვედრისას უკრაინაში არსებულ სიტუაციაზე იმსჯელა.
„ამ კონტექსტში თქვენ იცით, რომ საფრანგეთი სახელმწიფოების ტერიტორიულ მთლიანობას დიდ მნიშვნელობას ანიჭებს და რა თქმა უნდა ეს ეხება ჩემს ვიზიტს სამხრეთ კავკასიის რეგიონში", _ განაცხადა ოლანდმა.
